.png)
Gazeta Si – “Absolutisht nuk mund ta përjashtoj përfshirjen e Rusisë.” Ky ishte komenti i kryeministres daneze, Mette Frederiksen në një konferencë për shtyp në lidhje me fluturimet mbi Aeroportin e Kopenhagenit me dronë.
“Pamë dronë që fluturonin mbi Poloni, edhe pse nuk duhet të ishin atje. Pamë aktivitet në Rumani. Pamë shkelje të hapësirës ajrore estoneze. Pamë sulme hakerash në aeroportet evropiane gjatë fundjavës. Tani, ka pasur dronë në Danimarkë dhe me sa duket edhe në Oslo dhe Norvegji”, tha kryeministrja daneze.
Ndërkohë, Moska ka pohuar se nuk ishte e përfshirë në fluturimet e dronëve mbi Aeroportin e Kopenhagës, të cilët ndërprenë trafikun ajror për katër orë një ditë më parë.
“Çdo herë, dëgjojmë akuza të pabaza”, tha zëdhënësi i Kremlinit, Dmitry Peskov, gjatë konferencës së tij të përditshme për shtyp.
Pas fluturimit me dron mbi Aeroportin e Kopenhagenit, Danimarka përballet me një “kërcënim të konsiderueshëm sabotimi” dhe situata është “jashtëzakonisht serioze”, tha shefi i inteligjencës daneze Flemming Drejer në një konferencë për shtyp.
Shefi i PET theksoi se autoritetet po shqyrtojnë “të gjitha hipotezat”, pa përjashtuar mundësinë ruse.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
