.png)
Gazeta Si – Një sasi prej të paktën 63 kilogramë lëndë narkotike janë sekuestruar paditen e kësaj të hëne në doganën e Kakavijës.
Sipas policisë, janë arrestuar dy të dyshuar, Osman Kamberaj, 44 vjeç, nga Fieri, dhe Enkelejda Xhemali, banuese po në Fier.
Si provë materiale u sekuestrua edhe ngarkesa me 63,2 kg pako kanabis sativa, i cili ishte fshehur në një ndarje të dyfishtë në shasinë e mjetit me të cilin po udhëtonin për në Greqi.
Droga u gjet pas informacioneve operative, dyshimeve dhe kontrollit në vijën e dytë, duke vënë në kërkim edhe qenin antidrogë.
“Gjatë kontrolleve intensive me mjete logjistike bashkëkohore dhe duke përdorur dhe qenin antidrogë, Policia gjen të fshehura në brendësi të një automjeti, 60 pako me lëndë narkotike Cannabis Sativa, me peshë totale 63.2 kilogramë. Vihen në pranga drejtuesi i automjetit ku u gjet lënda narkotike dhe një shtetase që udhëtonte me të. Gjatë kontrollit fizik të dy shtetasve, Policia gjeti dhe 1890 euro”, thuhet në njoftimin zyrtar.
Si rezultat i kontrolleve të imtësishme, në bashkëpunim me autoritetet doganore, makina ka kaluar për kontroll të detajuar në vijën e dytë, në dalje, automjetin që drejtohej nga Kamberaj.
“Nga kontrolli i imtësishëm, duke përdorur edhe teknikat bashkëkohore të kontrollit, shërbimet e Policisë gjetën të fshehura në një vend të fshehtë të krijuar posaçërisht në parafangot e automjetit dhe në shasinë e automjetit, 60 pako të mbështjella me natriban, brenda të cilave kishte lëndë narkotike të dyshuar Cannabis Sativa, me peshë totale 63.2 kilogramë”, bëri me dije policia për detajet e aksionit.
Policia kufitare sekuestroi 63.2 kilogramë kanabis sativa, 3 celularë, automjetin dhe 1.890 euro.
Hetimet po kryhen nga dy policite dhe Prokuroria e Fierot dhe Gjirokastrës, për akuzën “trafikimi i lëndëve narkotike”, kryer në bashkëpunim.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
