.png)
Liga Gjermane e futbollit zyrtarizon një dritare të tretë transferimesh nga 1 deri në 10 Qershor 2025. Gjithçka në vazhdën e propozimit të FIFA-s që prej Tetorit të kaluar për shkak të Botërorit të klubeve që për të parën herë do të zhvillohet me 32 skuadra në Shtetet e Bashkuara të Amerikës (14 Qershor – 13 Korrik). Bayern dhe Borussia Dortmund janë klubet që përfaqësojnë Bundesliga-n dhe do të kenë mundësi të vënë nën kontratë, lojtarët të rinj pak pas mbarimit të këtij sezoni.
Përpara Bundesliga-s, ishin Premier League, La Liga dhe Serie A që zyrtarizuan këtë dritare të tretë duke shfrytëzuar propozimin e FIFA-s. Një ndërhyrje e tillë është bërë si pasojë e kontratave aktuale që përfundojnë në 30 Qershor që korespondon me mesin e zhvillimin të Botërorit të klubeve. Në mënyrë që lojtarët të mos mbeten pa kontratë dhe klubet të mos mbeten pa lojtarë, është vendosur kjo periudhë e re transferimesh.
Tek Bayern janë në skadencë kontratat e Leroy Sané, Eric Dier dhe Thomas Muller. Tek Manchester City në skadencë janë Ilkay Gündogan dhe Kevin De Bruyne. Liga Gjermane e futbollit ka sjellë ndërmend edhe lojtarët e huazuar të cilët tani mund të kthehen në kohë tek skuadrat e tyre dhe të aktivizohen në “botërorin e vogël”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
