Gazeta Si – Trupa e Apelit ka vendosur ta rihapë procenin sportiv të plusvalencave, pas dokumenteve të reja të hetimit ‘Prisma’. Kjo trupë pra pranuar kërkesën e paraqitur nga Prokuroria Federatës Italiane të Futbollit. Sanksione do të ketë vetëm për Juventusin dhe drejtuesit e tij, jo për klubet e tjera që ishin përfshirë në cështje.
Prokurori Kiné, gjatë audiencës së Trupës së Apelit për rihapjen e çështjes së plusvalencave, kishte kërkuar një ndëshkim me 9 pikë për Juventusin në renditjen e kampionatit aktual. Duke parë rëndësinë e fakteve të kontestuara dhe impaktin nga pikëpamja sportive në kampionate, kërkesa e Kine është vërtet e rëndë, sepse e nxjerr Juventusin jashtë Europës.
Prokurori kishte kërkuar edhe ndalimin për 20 muaj e 10 ditë të Paratiçit, 16 muaj të Anjelit, 12 muaj të Nedved, Garimbertit dhe Arrivabenes, si dhe 10 muaj e 20 ditë të Kerubininit. Sanksionet për Juventusin janë shtuar pas zbulimit të dokumenteve të reja.
Klubi torinez ka paraqitur një mbrojtje, linja e së cilës është e njohur nga komunikata e 22 dhjetorit, kur Juventusi thoshte me bindje se do të tregonte korrektësinë e veprimeve të tij. Tani pritet të mësohet se cilat do të jenë sanksionet e reja ndaj klubit bardhezi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
