.png)
Europa duhet të përgatitet për tarifat e reja të Donald Trump.
Kështu u shpreh presidentja e Bankës Qendrore Europe, Christine Lagarde.
Ajo tha se fakti që presidenti Trump nuk i miratoi tarifat që ditën e parë ishte “një lëvizje e zgjuar…sepse jo domosdoshmërish do të jepte efektin që ai pret”. Lagarde shtoi se ka pritshmëri që tarifat e Trump të jenë më të përqendruara dhe më selektive.
“Ne në Europë duhet të jemi të përgatitur, në mënyrë që të përgjigjemi.”
Trump ka kërcënuar se do të vendosë detyrime për mallrat e importuara në SHBA nga BE dhe i ka përsëritur këto pretendime që nga inaugurimi i tij të hënën, duke u thënë gazetarëve se BE-ja ka qenë “shumë, shumë e keqe për ne. Kështu që ata do të kërkojnë tarifa.”
Valdis Dombrovskis, komisioneri i Bashkimit Europian për ekonominë, të mërkurën tha se nëse interesat ekonomike të bllokut duhej të mbroheshin, BE-ja do të përgjigjej “në një mënyrë proporcionale”.
Ka një debat të gjerë rreth ndikimit të tarifave të mundshme të SHBA. Ekonomistët kanë thënë se taksat mund të dëmtojnë ekonomitë mbi të cilat ato vendosen, duke çuar në eksportimin e më pak mallrave në SHBA. Disa kanë paralajmëruar gjithashtu se ekonomia e SHBA-së mund të preket pasi tarifat mund të rezultojnë në inflacion më të lartë.
Trump ka thënë se tarifat do të mbrojnë biznesin amerikan dhe do të mbështesin ekonominë e vendit të tij.
Lagarde tha se teoria e zëvendësimit – ulja e importeve nga Europa në një përpjekje për të “përforcuar” prodhimin në SHBA – ishte “e diskutueshme sepse ekonomia amerikane është në gjendje të mirë për momentin”.
“Nëse shikoni tregun e punës së SHBA-së, keni një shkallë shumë të ulët papunësie. Nëse shikoni kapacitetin, tashmë funksionon pothuajse me kapacitet të plotë. Pra, ideja që ju mund të prodhoni atë që nuk do të importoni më, ose që do të importoni me çmime shumë më të larta, është… është diçka që do të marrë pak kohë,” tha ajo.
Importuesit tha ajo nuk mund të drejtojnë për shumë kohë biznese që dalin me fitime të ulëta.
Lagarde veçmas bëri thirrje gjithashtu për heqjen e pengesave për tregtinë brenda Europës, duke vënë në dukje se pavarësisht aspiratave për të krijuar një treg të vetëm, kishte ende barriera që ndonjëherë pengonin mallrat dhe shërbimet të udhëtonin pa dëmtim.
“Unë mendoj se është një nga pikat që Ursula von der Leyen, presidentja e Komisionit Europian, bëri dje – le të sigurohemi që të heqim barrierat mbi të cilat kemi kontroll,” tha Lagarde, pa dhënë detaje.
Lagarde tha se shpresonte se kjo do të ndodhte në javët e ardhshme, duke e përshkruar atë si “një mënyrë për t’iu përgjigjur ndryshimit në politikën tregtare në Shtetet e Bashkuara”.
“Jini të fortë në shtëpi dhe sigurohuni që të bëni transaksione, të shisni dhe blini në shtëpi, të kurseni në shtëpi dhe të investoni në shtëpi. Për të mos thënë se ne duam të kalojmë në një qasje proteksioniste, sepse ajo që na kanë mësuar është se tregtia është në të vërtetë shumë e dobishme”, shtoi Lagarde./CNBC
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
