.png)
Gazeta Si – Lajmi ishte bërë i ditur më parë, tani është zyrtarizuar. Laurent Mekies largohet nga Ferrari për t’u bërë drejtuesi kryesor i Alpha Taurit.
Inxhinjeri francez, drejtor sportiv i skuderisë nga Maranelo, do të marrë vendin e Franz Tost. Për Mekies është një rikthim në skuadrën italiane, pas largimit në 2014-ën, kur ai u fut në FIA. Nga 2018-a punonte te Ferrari.
Është një hap i ri në karrierë për Mekies. “Para së gjithash dua të falënderoj Franz për punën e madhe që ka bërë për gati dy dhjetvjeçarë. Duke parë nga e ardhmja, jam i nderuar të marr detyrën e ‘Team Principal’ dhe të kthehem në skuderinë, ku kam kaluar pjesën më të madhe të karrierës. Alpha Tauri ka gjithë mundësitë për më shumë sukses në të ardhmen”, – tha Mekies.
Alpha Tauri ka njoftuar edhe bashkëpunimin me Peter Bajer, i cili do të jetë administratori i deleguar. Së fundi Bajer ka mbajtur postet e drejtorit ekzekutiv të F.1 dhe sekretarit të përgjithshëm për sportet automobilistike pranë FIA-s.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
