Gazeta Si – Në kursin për drejtor sportiv që organizohet nga FSHF këtë herë do të ketë edhe një surprizë të bukur. I pranishëm do të jetë edhe drejtori sportiv i Interit, Piero Auzilio.
Kursi ka nisur prej datës 13 shtator dhe do të përfundojë më 10 tetor. Në ceremoninë e shpërndarjes së diplomave për këtë edicion do të jetë i ftuar special edhe drejtori sportiv i Interit.
Auzilio është një emër shumë i njohur tashmë në futbollin italian. Ai ka një karrierë të pasur si drejtor sportiv dhe do të ndajë me pjesëmarrësit eksperiencën e tij në lidhje me punën që kryen në përditshmëri.
Auzilio është pjesë e Interit si drejtor sportiv prej shkurtit të vitit 2014. Që në fillim ai fitoi çmimin e drejtorit sportiv më të mirë të Serisë A, në edicionin 2014-2015.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
