Drama dhe shiu vendosën garën e MotoGP në Austin

Start i vonuar nga shiu dhe rrëzimi që ndali rekordin e fitoreve të #93 në Austin atje ku Alex Marquez mori kryesimin e përgjithshëm. Francesco Bagnaia (Ducati Lenovo Team) fitoi të parin “Grand Prix” në 2025 pas dramës në “MotoGP Red Bull Grand Prix of The Americas” ku Mbreti i “COTA”, Marc Marquez (Ducati Lenovo Team) u rrëzua duke humbur kryesimin e garës. Me vendin e dytë në përfundim, Alex Marquez (BK8 Gresini Racing MotoGP) është Leader-i i ri në MotoGP ndërsa Fabio Di Giannantonio (Pertamina Enduro VR46 Racing Team) kompletoi podiumin në një garë të paharrueshme.

8 pole position për Marc Marquez dhe 250 gara në karrierë për Maverick Vinales

Kushtet e vështira të pistës i konfirmoi Fabio Quartararo (Monster Energy Yamaha MotoGP) në xhiron e formatimit. Tre minuta përpara startit fillimisht Marc Marquez dhe pas tij Bagnaia, Di Giannantonio, Alex Marquez dhe të tjerë braktisën motorrët në vijën e startit dhe vrapuan të merrnin motorrët e tjerë me gomat e shiut. Ndërkohë që Luca Marini (Honda HRC Castrol), Brad Binder (Red Bull KTM Factory Racing) dhe Ai Ogura (Trackhouse MotoGP Team) nuk i ndryshuan ato. Megjithatë, starti i garës u vendos të shtyhej.

Marc Marquez la pas vëllain Alex në eventin Sprint të Austin

Pas 10 minutave, këtë herë të gjithë me goma shiu, pilotët dolën për startin e shumëpritur por sërish nuk mungo drama. Në startin e 250 në karrierë, Maverick Viñales (Red Bull KTM Tech3) u detyrua të largohej për problemeve në motorr. Pas 5 xhirove të para kuarteti Marquez, Marquez, Bagnaia, Di Giannantonio kishin një shkëputje prej më shumë se dy sekondash nga ndjekësit por këtu vjen gabimi i parë i Marc Marquez për 2025 që rrëzohet për të tretën herë në “COTA” (pas viteve 2019 dhe 2024).

Alex kalon Marc në klasifikimin e përgjithshëm të dominuar nga familja Marquez

Fituesi i 8 “pole position” 3 nga të cilët rradhazi e mbajti motorrin ndezur dhe u kthye në vendin e 18 por jo për shumë kohë në pistë duke u detyruar të braktisë garën. Në atë çka mbeti deri në fund, Bagnaia, Alex Marquez dhe Di Giannantonio zhvilluan një garë të ndezur duke mos e lënë të qetë pë asnjë moment njëri-tjetrin. Garë pozitive për Aldeguer (BK8 Gresini Racing MotoGP) dhe Zarco që nuk mundën ta përfundonin për shkak të rrëzimit në pistë.

Jake Dixon dhe Jose Antonio Rueda fituan në disiplinat Moto2 dhe Moto3

Në fund Bagnaia mori 25 pikë duke u bërë piloti i 10 që fiton 30 gara. Alex Marquez e ndoqi në vendin e dytë për të 6 garë rradhazi në të njëjtin pozicion. Ndërsa përpjekjet e Di Giannantonio-s që nuk mjaftuan për vendin e dytë e lanë atë në shkallën e fundit të podiumit. Top5 u plotësua nga Morbidelli dhe Miller. Ndërsa klasifikimi i përgjithshëm në këtë moment është një çështje në familje, ku Alex me 87 pikë, lë pas vëllain Marc (që nuk mori asnjë në Austin) me 1 më pak.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.