.png)
Gazeta Si – Ka nisur në Gjykatën e Posaçme seanca paraprake për ish-kryeministrin Sali Berishën dhe 4 të pandehurit e tjerë të pandehur për aferën e privatizimit të klubit sportiv “Partizani”.
Në seancën e kësaj të premteje, do të vijojnë sërish të japin argumentet e tyre avokatët e Jamarbër Malltezit. Më pas do të vijohet me mbrojtjen e Fatmir Bektashit, Xhimi Begesë dhe Andia Pustinës.
Po ashtu, argumentet do të lexohen edhe nga avokatët e dy shoqërive “Homeplan” sh.p.k dhe “Kontakt” sh.p.k. Kjo seancë pritet të zgjasë deri në orën 16:00 kur të përfundojë edhe orari zyrtar.
Ndërkohë, të pandehurit Sali Berisha dhe Jamarbër Malltezi, nuk janë paraqitur sot në seancë, por përfaqësohen nga avokatët e tyre.
Përveç ish-kryeministrit Berisha, për dosjen e privatizimit të klubit “Partizani”, janë nën akuzë dhe dhëndri i tij, Jamarbër Malltezi, i cili po hetohet nën masën “arrest në shtëpi” për “korrupsion” e “pastrim parash”.
Biznesmenit Fatmir Bektashi i janë komunikuar akuzat “korrupsion aktiv” dhe “pastrim parash”. Me akuzën e fundit po hetohet edhe Xhimi Begeja si dhe financierja Andia Pustina.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
