.png)
Gazeta Si – Ish-presidenti i Shqipërisë, Bamir Topi është paraqitur mëngjesin e kësaj të marte në Prokurorinë e Posaçme.
Burime bëjnë me dije se thirrja e ish-kreut të shtetit lidhet me ngjarjen e 21 janarit 2011, ditën kur u vranë në shesh 4 protestuesit e Partisë Socialiste, asokohe në opozitë.
Topi do të japë dëshmi mbi dijenitë që ka lidhur me ngjarjen duke qenë se asokohe mbante postin e presidentit.
Hetimet për “21 janarin” nisën nga SPAK korrikun e vitit të kaluar, pas regjistrimit për veprat penale të vrasjes në rrethana cilësuese, e kryer në bashkëpunim, kundër dy ose më shumë personave dhe në mënyrë të rrezikshme për jetën e shumë personave, shpërdorim detyre dhe pengim të drejtësisë.
Për këtë çështje është marrë më parë në pyetje edhe ish-kryeministri Sali Berisha, ish-ministri i Brendshëm Lulzim Basha.
Në përditësim…
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
