.png)
60 pikë! Luka Donçiç këtë herë e ka “ekzagjeruar”, duke regjisruar shifra historike. Slloveni ka shënuar 60 pikë, rekord për skuadrën e tij, shkoi në 21 ribaunde, rekordit personal, dhe dha 10 asiste për ‘triple double’-n e 7-të sezonale. Ai udhëhoqi Dallas Maveriks drejt një përmbysjeje të pabesueshme ndaj Nju Jork Niks, 126-121.
Me 9 pikë disavantazh dhe 9 sekonda të mbetura lojë, Dallas arriti ta çonte ndeshjen në shtesë, falë një gjuajtjeje të sllovenit, kur kishte mbetur vetëm një sekondë në kronometër. Donçic gaboi më parë një gjuajtje të lirë.
Në shtesë pastaj Donçiç dhe Maveriks vazhduan dominimin për inerci. Nju Jork, në humbjen e 4-t radhazi, ishte pa Brunson për shkak dëmtimi. Grimes shënoi 33 pikë, maksimumi i karrierës, Randëll 29 pikë, por llogaritë përsëri nuk dalin për trajnerin Tibodo, pasi kundër një Donçiç të tillë është e pamundur.
Dallas: Donçiç 60 (19/25, 2/6, 16/22 t.l.), Dinuajdi 25, Vud 19. Ribaunde: Donçiç 21. Asiste: Donçiç 10.
Nju Jork: Grimes 33 (5/9, 7/16, 2/3 t.l.), Randëll 29, Robinson 20. Ribaunde: Randëll 18. Asist: Kuikli 15.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
