.png)
Nga Gazeta 'Si'-Kryetari i Grupit Parlamentar të PD, Gazment Bardhi foli për tensionet e sotme në Parlament, ku ata nuk u lejuan të futën në seancë e për pasojë pati edhe përplasje me Gardën.
Për mediat, Bardhi tha se ata u dënuan nga Sekretariati i Etikës pa ligj, ndërsa theksoi se seanca nuk mund të konsiderohet normale.
“Asgjë nuk bën Rama më shumë Putini”- tha Bardhi.
Ndërsa i pyetur si do të vazhdojë aksioni, ai u përgjigj: Si të na teket.
“Nëse ju duket jetë normale parlamentare kur kryetarja hyn si mi, mua nuk më duket normale. Ligjet mjafton të mblidhen te vila e Ramës në Surrel dhe mund t'i miratojnë. Deputetët nuk lejohen të ushtrojnë punën me forca sigurie. Nuk bën asgjë më shumë dhe as më pak Putini.
Sjell deputetët e tij si dele dhe vetë fshihet në Surrel dhe shijon luksin e krijuar me paratë e vjedhura të qytetarëve të varfër. Ne do vazhdojmë si të na teket. Rast pas rasti do vazhdojmë me këtë godinë, me godinën e kryeministrisë dhe çdo godinë tjetër.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
