Gazeta Si – Tre persona, mes tyre dhe një adoleshente, janë arrestuar në Durrës, pasi janë kapur, duke trafikuar armë dhe municione luftarake.
Sipas policisë, operacioni i koduar “Ditë Vere” vuri në pranga tre të rinj, të cilëve iu sekuestruan 2000 kapsolla elektrodetonatore.
Policia thotë se A.Q., 32 vjeç, lindur dhe banues në Përmet; Xh.V., 22 vjeç, i dënuar më parë dhe shtetësia L.B., 18 vjeçe, të dy banues në Durrës, u kapën në flagrancë në momentin e shitjes së kapsollave në zonën e Shkëmbit të Kavajës në plazhin e Durrësit.
22-vjeçari Xh.V., dhe 18-vjeçarja L.B., po qarkullonin me një automjet tip “Audi”, me të cilin kanë shkuar te Shkëmbi i Kavajës ku i priste A.Q., i cili kishte ardhur nga Përmeti dhe kishte me vete një çantë krahu dhe një kuti kartoni brenda të cilave kishte pako me 2000 kapsolla elektrodetonatore.
Në cilësinë e provës materiale, janë sekuestruar 2000 kapsolla elektrodetonatore, një xhaketë dhe një pulovër me simbole të policisë, një kapuç, një thikë, automjeti tip “Audi” dhe 4 aparate celulare.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
