.png)
Nga Gazeta Si- Dy subjekte me aktivitet “Përpunim qumështi” dhe “Përpunim mishi” të baxhos Bonum dhe kompanisë KMY janë bllokuar nga AKU pasi janë konstatuar shkelje e kushteve higjieno-sanitare.
Në baxhon Bonum, u bllokua 328.7 kilogramë djathë i bardhë dhie pasi u konstatua prani të mykut, ndryshkut dhe lagështisë në ambientin e përpunimit.
Ndaj baxhos u vendos gjobë në vlerën e 300 mijë lekë për ushtrim të aktivitetit në kundërshtim me kërkesat ligjore mbi kushtet e përgjithshme dhe të veçanta të higjienës së ushqimeve.
Gjithashtu, gjatë kontrollit në “KMY” u konstatua një ambient ndihmës me kushte higjieno-sanitare të papërshtatshme, ku procesi i shkrirjes së produkteve kryhej në kundërshtim me normat teknike. Për këtë arsye, u bllokua ambienti ndihmës si dhe 588 kg fileto pule dhe 150 kg gjoks pule.
Nga këto produkte janë marrë mostrat për analizë mikrobiologjike dhe sasia do të qëndrojë e bllokuar deri në daljen e rezultateve laboratorike.
Ndërkohë edhe ndaj KMY-së u vendos gjobë 300 mijë lekë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje