Gazeta Si – Muzikë, maestro! Sa herë janë dëgjuar këto dy fjalë edhe në futboll, shpesh edhe në tituj artikujsh gazetash. Ata që frekuentojnë rregullisht stadiumet e dinë mirë se kolona zanore e një ndeshjeje nuk përbëhet vetëm nga koret dhe inkurajimet, apo dhe vërshëllimat e tifozëve.
Përtej 90 minutave, në fakt, muzika ndërhyn edhe për të kënaqur publikun e pranishëm dhe këtu, një tifoz me fat i San Paolos, mund të marrë rol kryesor. “Morumbi”, – stadiumi i brazilianëve, – nuk bën përjashtim sa i takon muzikës para ndeshjes dhe në pushim të saj.
🎧Solta o som!🎶
— Socios.com (@socios) February 25, 2022
Já imaginou ser DJ do @SaoPauloFC no Morumbi por um dia?
Vote na playlist de aquecimento do jogo do Tricolor contra o Corinthians e concorra a essa experiência exclusiva.
👉Aqui: https://t.co/dnVk9S196c$SPFC ⚡️ $CHZ pic.twitter.com/6bK62NDps4
Klubi ka vendosur që t’u ofrojë drejtuesve të ‘fan token’ të vet mundësinë e zgjedhjes së listës së këngëve që futbollistët do të dëgjojnë gjatë nxemjes. Përmes votimit, një tifoz do të ketë fatin të jetë ‘disc jockey’ i stadiumit “Morumbi” për një ditë.
Funksionimi i konkursit është i thjeshtë: kush ka ‘fan token’ të San Paolos duhet të hyjë në platformë dhe të zgjedhë një përmbledhje këngësh që e vlerëson si më të mirën. Më pas të gjithë votuesit do të futen në një vazo shorti dhe emri që do të dalë prej saj do të bëhet dj i klubit për një ditë në stadium. Dhe jo një dite të zakonshme, sepse më 5 mars luhet derbi me Korinthiansin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
