Gazeta Si – Partizani është ekipi i parë në Shqipëri që ka një stadium të vetin. Dhe sot është një ditë historike për klubin e madh shqiptar, pasi luan ndeshjen e parë në këtë stadium privat, pa asnjë lloj lidhjeje me intitucionet vendore. Gjithë skuadrat e tjera në vend luajnë në stadiume, që janë pronë e bashkive të qyteteve.
Stadiumi i Partizanit ndodhet në zonën e Tufinës dhe është një impiant mjaft modern. Klubi kryeqytetas ka kohë që investon për këtë kompleks të tij, pasi nuk është vetëm stadiumi, por edhe fushat e stërvitjes, palestra, parkingu, muzeu i klubit etj.
Për finalizimin e projektit ka dhënë një dorë edhe Federata Shqiptare e Futbollit, që ka dhuruar tapetin e fushës, sistemin e ndriçimit dhe ulëset.
Është një model që duhet ta ndjekin të gjitha klubet e tjera shqiptare për të qenë krejtësisht të pavaruar nga bashkitë. Të gjitha të ardhurat që do të vijnë nga biletat dhe reklamat shkojnë vetëm në arkën e Partizanit.
Të kuqtë presin sot Bylisin për javën e 12-të të Superiores dhe inaugurimi i stadiumit kërkon patjetër një fitore në fushë. Ndeshja nis në orën 16:00.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
