Edhe pse Policia e Shtetit ka njoftuar se nuk do të lejojë asnjë tubim që shkel masat kundër koronavirusit, sot qytetarët kanë dalë sërish në protestë pas vrasjes së 25-vjeçarit Klodian Rasha.
Por ndryshe nga netët e kaluara, ka pasur vetëm disa grupime të vogla në shesh dhe pak efektivë policie.
Ata e nisën protestën e tyre në sheshin Skënderbej dhe më pas lëvizën drejt Kryeministrisë.
Ndërkohë, 800 forca policore janë në gatishmëri në disa pika të kryeqytetit.
Policia më herët deklaroi se është e vetëdijshme për ndjeshmërinë popullore që shkaktoi vrasja e të riut nga dora e një efektivi, por tashmë që protestat kanë degraduar nuk do të lejojë asnjë tubim.
Prej ditësh vendi ynë, kryesisht Tirana, është përfshirë nga protesta masive, ku protestuesit kanë shfryrë inatin e tyre ndaj institucioneve por dhe sinjalistikave rrugore.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
