.png)
Gazeta Si – Dita e barazimeve kjo e diel për Superioren. Pas Kukësi-Dinamo City, edhe dy ndeshjet e tjera, Skënderbeu-Tirana dhe Teuta-Laçi, janë mbyllur po në barazim, por me rezultatin 1-1.
Një ngjarje e shëmtuar ndodhi në qytetin e Korçës pas ndeshjes, ku tifozët vendas kanë sulmuar autobusin e Tiranës, duke e gjuajtur me gurë dhe duke i thyer një xham. Një ngjarje e dënueshme, aq më tepër për një qytet si Korça.
Sa i takon ndeshjes, Tirana u gjend në disavantazh, pas golit të shënuar nga korçarët me një penallti mjaft të kontestuar, të ekzekutuar saktë nga Nikaj. Megjithatë, kryeqytetasit barazuan në fundin e pjesës së parë me brazilianin Kaina. Dy skuadrat u ndalën edhe nga shtylla në këtë ndeshje.
Barazimi nuk i bën punë Tiranës, edhe pse bëhet fjalë për një transfertë të vështirë. Skuadra e Ahmatajt ka 18 pikë, shumë larg Egnatias kryesuese me 26 pikë. Partizani ndërkohë ka 23 pikë, por përveç ndeshjes së nesërme me Vllazninë, ka edhe të prapambetur nga java e parë me Teutën.
Kjo e fundit barazoi sot në fushën e saj me Laçin. Durrsakëve në fakt u iku fitorja nga duart. Ata kishin shënuar me Dacin dhe në kohën shtesë Laçi arriti të barazonte me Myrtjan.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
