Gazeta Si – Rastet e dhunës në stadiumet tona vazhdojnë të shfaqen thuajse çdo fundjavë, megjithatë Komisioni i Disiplinës dhe Etikës në FSHF vazhdon të tregohet shumë i butë, duke u mjaftuar vetëm me gjobat.
Rasti i fundit ishte ai në ndeshjen Kastrioti-Tirana, ku Gjumsi i ekipit kryeqytetas u godit në kokë me një send të fortë të hedhur nga tribuna. Dhe përsëri kjo ngjarje është kaluar me një gjobë 100.000-lekëshe nga Disiplina. Kështu bëri edhe kur arbitri Enea Jorgji u godit në stadiumin e Rrogozhinës dhe po ashtu kur një arbitër anësor u godit me gur në kokë në stadiumin e Korçës.
Këtë radhë, për dhunën e ndeshjes së Kamzës, ku luajtën Kastrioti dhe Tirana, është gjobitur edhe klubi kryeqytetas po me 100 mijë lekë, edhe pse një nga lojtarët e tij ishte viktimë.
Vendimet kryesore të Disiplinës
Zyrtari i Skënderbeut, Gentjan Liçi, për protestë ndaj vendimeve të zyrtarëve të ndeshjes, me gjeste dhe fjalë ofenduese, dënohet me 2 ndeshje pezullim.
Kastrioti, për sjellje të gabuar të spektatorëve, hedhjen e sendeve në terrenin sportiv, dënohet me gjobë në masën 100.000 lekë.
Tirana, për sjellje të gabuar të spektatorëve, hedhjen e sendeve në terrenin sportiv, dënohet me gjobë në masën 100.000 lekë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
