Gazeta Si – Komisioni i Disiplinës është treguar pak më i ashpër në dënimet e dhëna për atë çfarë ka ndodhur në ndeshjet e fundit në vend. Bien në sy dënime pak më të rënda se herët e tjera.
Grent Halili, djali i presidentit të Tiranës Refik Halili dhe zyrtar klubi, është pezulluar 8 javë për sjellje josportive. Për të njëjtën arsye është dënuar po me 8 javë pezullim edhe trajneri i Kastriotit, Emiljano Çela.
Dënime në masë ka pasur edhe për skuadrat e Kategorisë së parë, gjoba për klubet dhe pezullime për individë të veçantë. Besa duhet të luajë 4 ndeshje pa tifozë në vazhdim.
Vendimet kryesore të Disiplinës
Zyrtari i Tiranës, Grent Halili, për sjellje josportive ndaj zyrtarit të ndeshjes, dënohet me 8 ndeshje pezullim nga aktiviteti.
Partizani, për mosrespektim të përsëritur të rregullores, duke mos vendosur stemën e Abissnet Superiore në mëngën e djathtë, dënohet me gjobë në masën 50 mijë lekë.
Zyrtari i Kastriotit, Emiljano Çela, për sjellje josportive ndaj zyrtarit të ndeshjes, dënohet me 8 ndeshje pezullim nga aktiviteti.
Teuta, për mosrespektim të përsëritur të rregullores, duke mos vendosur stemën e Abissnet Superiore në mëngën e djathtë, dënohet me gjobë në masën 50 mijë lekë.
Luzi i Vogël 2008, për sjellje të gabuar të spektatorëve, dënohet me gjobë në masën 50 mijë lekë.
Besa, për sjellje të gabuar të spektatorëve, hedhjen e sendeve në terrenin sportiv, duke shkaktuar ndërprerjen e përkohshme të lojës, dënohet me gjobë në masën 50 mijë lekë dhe zhvillimin e 4 ndeshjeve pa spektatorë.
Zyrtari i Besës, Klodian Dervishi, për sjellje josportive ndaj zyrtarit të ndeshjes, dënohet me 8 ndeshje pezullim.
Zyrtari i Besës, Romeo Bizhdili, për sjellje josportive ndaj zyrtarit të ndeshjes, dënohet me 8 ndeshje pezullim.
Zyrtari i Korabit, Shpend Kumbarçe, për sjellje josportive ndaj kundërshtarit, dënohet me 3 ndeshje pezullim.
Tërbuni, për sjellje të gabuar të spektatorëve, dënohet me gjobë në masën 50 mijë lekë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
