Gazeta Si – Dinamo dhe Nevil Dede kanë mbyllur me marrëveshje bashkëpunimin që kishin filluar në verë me synimin për ta kthyer këtë skuadër në Superiore. Dy humbjet e fundit, me Burrelin dhe Tomorin, kanë bërë që skuadra të zbresë në vend të tretë, duke e komplikuar objektivin sezonal.
Në këto kushte, drejtuesit e klubit vendosën që të bëjnë ndryshime në stol. Nevil Dede është larguar pas 17 javësh kampionat në krye të Dinamos.
Klubi ka vendosur që drejtimin e ekipit ta marrë trajneri Dritan Mehmeti, i cili e ka drejtuar edhe më parë Dinamon. Ai ka drejtuar po ashtu edhe Partizanin dhe Korabin. Tani ka si objektiv rikthimin e Dinamos në elitë dhe për këtë do të ketë edhe ndihmën e Luan Pinarit, ish-kapitenit të bluve që i bashkohet stafit teknik.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
