.png)
Gazeta Si – Pas barazimit në derbin me Tiranën, Dinamo ka marrë sot një trepikësh shumë të rëndësishëm ndaj Skënderbeut në ‘Elbasan Arena’, ku ka fituar 2-1 për javën e 11-të të Superiores. Duket se muzika ka ndryshuar te blutë me ndryshimin në stol, ku vendin e Luixhi Di Biaxhos e ka marrë Dritan Mehmeti.
Luis Kaçorri dhe Lorenco Vila shënuan golat e fitores për Dinamon, ndërsa për korçarët barazoi përkohësisht Ardit Nikaj. Të tre golat u shënuan që në pjesën e parë. Në të dytën kryeqytetasit u mbrojtën me kujdes dhe në fund iu gëzuan trepikëshit.
Dinamo është një nga klubet që ka investuar më shumë për këtë sezon, por faza e parë shkoi jashtë çdo parashikimi. Me Di Biaxhon në stol kjo skuadër mbeti në vend të fundit dhe ndryshimi ishte i pashmangshëm. Me 4 pikë në 2 ndeshjet e fundit duket se ‘Nëndetësja’ ka filluar ngjitjen.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
