Gazeta Si – Për herë të tretë radhazi në stadiumin e Korçës janë parë skena të turpshme dhune. Gjatë ndeshjes Skënderbeu-Dinamo, njëri nga arbitrat anësorë është goditur me gur nga tifozët korçarë afër fundit të ndeshjes, duke bërë që loja të ndërpritet për disa minuta.
Kapiteni i Skënderbeut ka qetësuar tifozët dhe loja ka rifilluar, por është një sjellje e papranueshme kjo e tifozëve dhe aq më tepër për një qytet si Korça. Më e keqja është se ndodh për herë të tretë, ndërkohë që komisionet disiplinore të FSHF-së vazhdojnë të tregohen të butë me mesat që marrin.
Ndeshja u fitua nga Dinamo, 0-1, me një gol të shënuar nga Redon Mihana që në minutën e 2-të. Një trepikësh me shumë vlera ky për kryeqytetasit, të cilët ngjiten në kuotën e 23 pikëve dhe lënë pas Kastriotin dhe Skënderbeun. Korçarët duket se janë dorëzuar dhe sezonin tjetër do të luajnë në Kategorinë e Parë.
Kjo ishte edhe ndeshja përmbyllëse e javës së 24-të të kampionatit, që kryesohet bindshëm nga Tirana, me 53 pikë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
