Një 75-vjeçare ka ndërruar jetë në Elbasan pasi shtëpia e saj u përfshi nga flakët ditën e sotme. Ngjarja ka ndodhur rreth orës 12:40, në fshatin Shtërmaj.
Shkak i zjarrit dyshohet të ketë qenë një shkëndijë elektrike.
“Rreth orës 12:40, në fshatin Shtërmaj, dyshohet se për shkak një shkëndije elektrike, ka rënë zjarr në banesën e shtetases H. Ç., rreth 75 vjeçe, e cila jetonte vetëm. Për pasojë, shtetasja H. Ç. ka humbur jetën”, thuhet në njoftimin e policisë.
Grupi hetimor vijon veprimet në vendngjarje, për sqarimin e rrethanave të rastit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.