Gazeta Si – Me urdhër të Drejtorit të Policisë së Tiranës, 3 punonjës policie të Komisariatit nr.6, janë pezulluar nga detyra, pasi gjatë arrestimit, kanë dhunuar një 15-vjeçar që qarkullonte i armatosur me pistoletë.
Sipas të dhënave paraprake, pezullimi i efektivëve ka ardhur për shkak të dhunës që ata kanë ushtruar ndaj të miturit në momentin e arrestimit, ndonëse e kishin neutralizuar.
Ngjarja ka ndodhur një ditë më parë në Fushë-Mëzez pranë Tiranës dhe inspektorët e pezulluar janë; R.H., dhe B.A., si dhe nënkomisari A.K, efektivë të Komisaritit nr.6 në kryeqytet.
Ndërkohë Drejtori i Përgjithshëm i Policisë së Shtetit ka urdhëruar Drejtorinë e Standardeve Profesionale për të nisur ecurinë disiplinore ndaj punonjësve të Policisë, për shkelje të rëndë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
