Gazeta Si – Edmir Perndreca, drejtori i OSHEE-së të Lezhës, është rrahur sot nga tre persona, të cilët janë shpallur në kërkim. Shkaku i ngjarjes ka të bëjë me kontrollet e OSHEE-së dhe ndërprerjen e energjisë për klientët debitorë.
Konflikti ka nisur pas goditjes që autorët i kanë bërë makinës së drejtorit Edmir Perndreca. Ata kanë zbritur nga makina dhe e kanë dhunuar më pas, por dyshohet se e gjitha kjo ishte një inskenim.
Pas përplasjes, drejtori i OSHEE dhe shoferi i makinës së dytë nisën të konfliktoheshin.
Në konflikt u përfshinë edhe dy pasagjerët që ndodheshin në makinën e dytë, të cilët dhunuan drejtorin e OSHEE. Ky i fundit ka pësuar dëmtime fizike dhe u dërgua në spital për ndihmë mjekësore. Gjendja e tij paraqitet jashtë rrezikut.
Grupi hetimor vazhdon veprimet për zbardhjen e plotë të rrethanave të ngjarjes, si dhe për të identifikuar dhe shoqëruar autorët e përfshirë në këtë konflikt.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
