.png)
Të shtunën u zhvillua me dyer të mbyllura në gjykatën e Tiranës, masa ndaj dy të arrestuarve, Dritan Nano, i dyshuar si organizatori për sulmin e dhunshëm ndaj avokatit Sokol Mëngjesi si dhe Dorian Alias, një nga sulmuesit, i cili u vetëdorëzua.
Gjykata e Tiranës la burg dy të arrestuarit, Dritan Nano, i dyshuar si organizatori për sulmin e dhunshëm ndaj avokatit Sokol Mëngjesi si dhe Dorian Alias, një nga sulmuesit, i cili u vetëdorëzua. Me heret Prokuroria kërkoi masën e arrestit me burg për 2 të ndaluarit, si dhe për 3 të shpallurit në kërkim, Drivale Alia, Elton Kasaj dhe Romario Tabaku, kerkesa qe u lanë në fuqi nga gjykata. Qe do te thote se e njejta masë u caktua edhe për tre autoret e tjerë, të shpallur në kërkim.
Nga ana tjetër Prokuroria e Tiranës ka zbutur akuzën ndaj të dyshuarve duke rikualifikuar veprën penale nga vrasje të funksionarëve publik e mbetur në tentativë në ‘plagosje e rëndë me dashje kryer në bashkëpunim dhe kundërshtim dhe goditja e gjyqtarit, kryer në bashkëpunim.
Për veprën penale ‘Vrasje e funksionarëve publik e mbetur në tentativë’ Kodi Penal parashikon jo më pak se 30 vjet ose burg përjetë.
Për veprën "Plagosje e rëndë me dashje e kryer në bashkëpunim" burg nga 3 deri në 10 vjet
Avokati u dhunua mëngjesin e 29 majit sapo la djalin në kopsht në zonën e ish-bllokut. Dorian Alia 32-vjeç i cili u vetëdorëzua, ka pranuar se porositës i sulmit është Dritan Nano. I riu ka pranuar se dhuna ka ardhur si paralajmërim që avokati 45 vjeçar të tërhiqej nga padia kundër Nanos për të marrë ç’ka i takonte në pronën e fituar me gjyq te kullat e Liqenit.
58-vjeçari Nano nuk pranonte të likuidonte avokatin sipas kontratës që kishin firmosur, pasi Mëngjesi fitoi gjyqin për pronën e një familje me 8 trashëgimtarë, aty ku sot janë ndërtuar kulla te Diga e Liqenit. Marrëveshja mes palëve (trashëgimtarëve dhe avokatit) është për të përfituar një përqindje të caktuar të pronës së fituar më gjyq, pra jo pagesë, por pjesë e pronës. Nga ana tjetër, Dritan Nano ka mohuar të jetë porositës i ngjarjes.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
