Gazeta Si – Me këtë të sotmin janë 10 radhazi titujt kampion të Vllaznisë në futbollin e femrave. Që do të thotë një yll i qëndisur në fanellën kuqeblu. Dominimi i kësaj skuadre, që shkoi deri në fazën e grupeve të Ligës së Kampionëve, është absolut në kampionatin shqiptar.
Megi Doçi dhe shoqet e saj nuk njohin rivalë. Vllaznia mundi sot Tiranën 3-0 dhe siguroi matematikisht titullin e 10-të kampion. Golat e fitores u shënuan Doçi, Gjergji dhe Berisha.
Vllaznia ka grumbulluar 54 pikë në 18 javë kampionat. Statistikat janë mbresëlënëse: 18 fitore, 0 barazime dhe 0 humbje. Skuadra e presidentit Lazër Matija, i cili ka meritën kryesore për këtë Vllazni fituese, nuk diskuton asnjë kundërshtar në kampionat.
Pas fitores me Tiranën, në stadiumin ‘Loro Boriçi’ është zhvilluar ceremonia e titullit, ku vajzat kanë marrë medaljen e kampionit nga anëtari i Komitetit Ekzekutiv të FSHF-së, Bardhyl Jera.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
