.png)
“Long Covid” mund të prekë një të shëruar në dy persona në botë. Sipas një sondazhi të publikuar në revistën “Jama Network Open”, më shumë se gjysma e atyre që janë shëruar nga Covid, 236 milionë njerëz në tërësi, zhvillojnë simptoma afatgjata, të cilat vazhdojnë deri në gjashtë muaj pas shërimit. Studimi u krye në Kolegjin e Mjekësisë në Penn State dhe studiuesit po japin alarmin për qeveritë.
Studiuesit që punuan në sondazh, theksojnë se në të ardhmen e afërt, sistemet shëndetësore do të duhet të përballen me një valë të pacientëve me Covid të gjatë që do të menaxhohen për simptoma fizike dhe psikologjike.
Ekspertët shqyrtuan të dhënat e dhjetëra studimeve të kryera në të gjithë botën, në lidhje me një total prej 250,351 të rriturve dhe fëmijëve të pavaksinuar që u infektuan me Covid midis dhjetorit 2019 dhe marsit 2021.
79% e mostrave të verifikuara rezulton se janë shtruar në spital dhe shumica më e madhe e pacientëve, mosha mesatare 54 vjeç, jetojnë në vende të pasura. U zbulua se mbi gjysma e personave të shëruar, manifeston ose kanë manifestuar simptomat tipike të Covid -it të gjatë.
Për gjysmën e tyre, bëhet fjalë për humbje peshe, lodhje, dhimbje trupore. Më shumë se një në pesë të shëruar, tregojnë një ulje të lëvizshmërisë; një në katër vetë ka vështirësi të përqëndrohet; një në tre zhvillon një çrregullim ankthi; tre nga pesë kanë anomali të mushkërive dhe mbi një në katër, kanë vështirësi në frymëmarrje. E megjithatë, gati një në pesë persona përjeton humbje të flokëve dhe skuqje të lëkurës.
Prandaj rezulton me një rëndësi gjithnjë e më të qartë, se sëmundja nuk përfundon me kalimin e infeksionit, përfundojnë autorët, duke nënvizuar se vaksina është aktualisht arma kryesore në dispozicion kundër infeksionit dhe për këtë arsye edhe kundër Covid -it të gjatë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje