“Nëse ajo kartë zbulohet, do na hidhen në fyt”. Kjo frazë është zbuluar nga përgjimet e hetimit Prisma në lidhje me raportet mes Juventusit dhe Kristiano Ronaldos.
Lajmi bëhet i ditur nga Ansa, që u referohet përgjimeve të “Guardia di Finanza” të një bisede të 23 shtatorit midis Federiko Kerubinit, që ka dëshmuar si person në dijeni të fakteve, por jo i akuazuar, dhe Çezare Gabazios, përfaqësuesit ligjor të Juventusit. Emri i këtij të fundit është i shtati në regjistrin e të akuzuarve, pas Anjelit, Paratiçit, Nedvedit, Çerratos, Re dhe Bertolës.
Te kjo frazë lidhen hetimet e “Guardia di finanza”, që po përpiqet të gjejë dokumentacionin “kontabël dhe ekstarakontabël”, që i referohet “kartës së famshme që nuk duhet të ekzistojë teorikisht”. Fillimisht në këtë përgjim u mendua se gjithçka lidhej me pagat e prapambetura ndaj portugezit sa i takon kohës së Covid-it.
Por tani hipoteza më e mundshme është se bëhet fjalë për një marrëveshje mes palëve për të favorizuar kalimin e CR7 te Mançester Junajtid. Sipas Prokurorisë, “karta e famshme” duhet të ketë të bëjë me mbylljen korrekte të bilancit të 2021-shit, edhe pse shitja e portugezit është mbyllur kohë më parë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
