.png)
Gazeta Si – Ish-kryebashkiaku i Tepelenës, Tërmet Peçi, aktualisht deputet i Partisë Socialist, ka qëndruar rreth 1 orë e 15 minuta në SPAK, ku u mor në pyetje nga prokurorët. Nuk është e qartë se përse ishte thirrur ish-kryebashkiaku i Tepelenës në Prokurorinë e Posaçme.
Por pasi doli nga godina e SPAK, Peçi nuk dha shpjegime, por u mjaftua me komentin: “Të fala Ristanit”.
Me këtë deklaratë të shkurtër, deputeti socialist la të kuptohet se ishte marrë në pyetje për kallëzimin e bërë nga PD në prill të këtij viti, konkretisht nga Arben Ristani lidhur me tenderët e Bashkisë Tepelenë për rindërtimin pas tërmnetit të vitit 2019.
Peçi e ka drejtuar Bashkinë e Tepelenës nga viti 2011 deri në 2025-ën, kur u dorëhoq për të kandiduar si deputet i PS në zgjedhjet parlamentare të 11 Majit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
