.png)
Gazeta Si - Gjykata e Posaçme dënoi shtetasin maqedonas Nazif Ajroskin me 12 vjet burg për akuzat e trafikut të 324 kilogramëve kokainë si pjesë e një grupi të strukturuar kriminal.
Për shkak të gjykimit të shkurtuar, ai përfitoi ulje të dënimit duke u mbyllur përfundimisht 8 vjet në qeli.
Shoferi Ajroski u arrestua në 18 qershor të 2021 në Portin e Durrësit në drejtimin e një kamioni të nisur nga Maqedonia e Veriut i ngarkuar zyrtarisht me hekur, brenda të cilit u gjetën dhjetëra pako me kokainë.
Ato kishin paketime të ndryshme dhe logo si “Dior”, “Chicago Bulls” apo edhe “PSG”.
Për këtë hetuesit dyshojnë se shtetasi maqedonas do e dërgonte lëndën narkotike në Itali ku dhe më pas do ta merrnin porositës të ndryshëm.
Hetimet fillimisht u kryen nga Prokuroria e Durrësit, e cila 6 muaj pas arrestimit i dërgoi dosjen Prokurorisë së Posaçme me dyshimet se Nazif Ajroski ishte pjesë e një grupi kriminal.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
