.png)
Në lidhje me çështjet teknike të këtij procesi, kryediplomati grek thotë se të dyja shtetet po konsultohen mes tyre për të hartuar një tekst konkret.
“Përsa i përket çështjeve teknike, duhet hartuar dhe kërkesa përkatëse. Organet kompetente të të dy vendeve vijojnë konsultimet për hartimin e këtij teksti”, tha Dendias.
Ministrja e Jashtme, Olta Xhaçka, në një intervistë të fundit konfirmoi se Shqipëria po përgatit dosjen e saj për t’u përballur me Greqinë në Gjykatën Ndërkombëtare të Hagës, por nuk zgjodhi të specifikonte një afat konkret, se kur mund të marrë zgjidhje përfundimtare çështja e mosmarrëveshjeve mbi detin.
“Në këtë pikë, ajo që palët kanë rënë dakord është që grupet respektive në Shqipëri dhe Greqi, secili të punojë për dosjet e tyre dhe eventualisht të koordinojnë kur çështja të shkojë në Gjykatë. Pala shqiptare po punon për dosjen e saj, ekspertët më të mirë shqiptarë të hartografisë, ata ligjorë mbi të gjithë për precedentët ligjorë që duhen konsideruar, ata në Ministrinë e Jashtme, të Mbrojtjes, po mbledhin të gjithë informacionin për të ngritur atë kazusin tonë, që eventualisht do ta çojmë në Gjykatën e Hagës. Nuk ka një afat, jemi të dyja palët në fazën përgatitore për të mbudhur informacionin e domosdoshëm dhe do të koordinojmë çuarjen në Gjykatën Ndërkombëtare të Hagës”, tha ajo.
Ministrja konfirmoi se aktualisht nuk ka asnjë diskutim mes palëve për “detin”, pasi theksoi se rolin e arbitrit do ta bëjë Gjykata Ndërkombëtare e Hagës.
“Procesi i negociatave për delimitimin e hapësirës detare u pezullua në momentin që doli vendimi i Gjykatës Kushtetueses, në 15 prill të 2010 dhe në takimin që ka bërë ministri i Jashtëm në Shqipëri, është renë dakord që ne këtë çështje do ta çojmë në Gjykatën Ndërkombëtare të Hagës. Sot për sot nuk ka bisedime”, tha ajo.
Sa i takon ratifikimit të pakteve me Maqedoninë Veriore, pas marrëveshjes së Prespës, ministri Dendias ka deklaruar se ministria e Jashtme ka dorëzuar dosjen e plotë në parlamentin grek në shtator 2020.
“Këto marrëveshje u paraqitën në Parlament Shtatorin e kaluar. Ministria e Punëve të Jashtme ka përfunduar të gjitha veprimet e nevojshme. I takon Parlamentit të përcaktojë një datë për futjen e ligjit të ratifikimit. Më lejoni t’ju kujtoj se për shkak të pandemisë, kishte dhe ende ka masa konkrete në procesin parlamentar”, tha ministri Dendias për gazetën “Parapolitika”, intervistë të cilën e ka shpërndarë në faqen zyrtare edhe Ministria e Jashmte e Greqisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
