Reshjet e mëdha të dëborës në Bergamo kanë bërë që sfida Atalanta-Vilarreal të shtyhet për nesër. Pasi panë me kujdes terrenin e stadiumit dhe biseduan me trajnerët e dy skuadrave, arbitrat vendosën që kjo ndeshje të luhet nesër.
Pavarësisht punës së madhe të punëtorëve, të cilët bënë të pamundurën për të pastruar fushën, dëbora ishte e pandalshme në Bergamo dhe në atë terren nuk mund të luhej futboll.
Kjo ndeshje është shumë e rëndësishme për të dyja skuadrat, pasi nga rezultati i saj varet kualifikimi për në fazën e 1/8-ave në Ligën e Kampionëve. Atalantës së Berat Gjimshitit, mbrojtësit të Kombëtares, i bën punë vetëm fitorja, për të cilën duhet të presë deri nesër.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
