.png)
Pas fitores së fundit ndaj Maqedonisë së Veriut dhe vendit të parë në Grupin C me pikë të plota, Mathijs de Ligt, mbrojtësi i Holandës dhe Juventusit po shijon kalimin e turit. Holandezi i dërgon një mesazh të qartë edhe Italisë.
"Të fitosh tri ndeshjet e para është gjëja e parë e rëndësishme, siç është edhe përmirësimi ndeshje pas ndeshjeje, - është shprehur de Ligt. – Tani vëmendja te ndeshjet e tjera, jemi në pritje të njohim kundërshtarin e 1/8-ve. E kam ndjekur Italinë dhe mendoj se bëjnë një lojë të bukur. Por për momentin nuk ka luajtur me skuadra top, siç është Franca, për shembull".
Pavarësisht ndonjë shigjetimi, futbollisti holandez ka vlerësuar mënyrën e lojës së skuadrës së Mançinit: "Sigurisht, ata kanë një stil loje jo italian, sepse sulmojnë shumë. Më pqlqen fakti që të gjithë djemtë kanë luajtur, kjo është shumë e rëndësishme”, - ka theksuar de Ligt.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
