Dardanët në sulm, duan vendin e parë në grup

11:09 - 07 Tetor 2025

Grupi A:
Gjermania nisi rikuperimin pas humbjes së parë në histori në një ndeshje kualifikuese të Kupës së Botës jashtë fushe, duke fituar në shtëpi ndaj Irlandës së Veriut – dhe do të kërkojë ta vazhdojë këtë ecuri pozitive përballë Luksemburgut, që ende nuk ka asnjë fitore.

Ndërkohë Sllovakia, që iu shkaktoi atë disfatë historike gjermanëve, udhëton drejt Belfastit pas një fitoreje të ngushtë ndaj Luksemburgut në javën e gjashtë.

Grupi B:
Zvicra ka marrë kryesimin e hershëm në garën për vendin e parë në Gr B, duke shënuar shtatë gola pa pësuar asnjë në dy fitoret e Shtatorit.

Kundërshtarja e rradhës, Suedia, e ka nisur ngadalë, pasi humbi ndaj Kosovës në ndeshjen e fundit dhe një barazimi në start kundër Sllovenisë, e cila gjithashtu është ende në kërkim të fitores së parë në javën e shtatë.

Grupi D:
Franca pas fitores ndaj Ukrainës, përmbysi Islandën për të marrë kryesimin në Gr D. Kundërshtari i radhës, Azerbajxhani, arriti të sigurojë pikën e parë pas një barazimi me Ukrainën.

Islanda, që aktualisht renditet e dyta, pret Ukrainën në një përballje shumë të rëndësishme për vendet e para.

Grupi J:
Belgjika tregoi fuqinë e saj sulmuese me dy fitore 6-0 në Shtator, por është Maqedonia e Veriut që mban kreun e Gr J përpara sfidës në Gent.

Takimi i parë mes tyre në Shkup përfundoi 1-1 në Qershor. Ndërkohë, Lihtenshtejni vazhdon kërkimin për pikën dhe golin e parë në transfertën ndaj Kazakistanit në Astana.

Raundi i 7 – 10 Tetor
J Kazakistan vs Lihtenshtein (16:00)
D Francë vs Azerbaixhan
A Gjermani vs Luksemburg
J Belgjikë vs Maqedoni e Veriut
B Suedi vs Zvicër
D Islandë vs Ukrainë
A Irlandë e Veriut vs Sllovaki
B Kosovë vs Slloveni

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.