.png)
Ndryshimet në qeveri që u prezantuan të dielën nga kryeministri Edi Rama, kanë pasuar me lëvizje dhe në disa drejtori të rëndësishme.
Vendin e lënë bosh nga Ervin Hoxha, që mbante postin e drejtorit të IKMT-së, por që sot po betohet si ministër i brendshëm do ta zërë Dallëndyshe Bici. Kjo e fundit rikthehet në këtë detyrë që e ka drejtuar prej vitesh. Ai qëndroi për më shumë se një vit në krye të Agjencisë Shtetërore të Kadastrës.
Drejtoreshe e Agjencisë Kombëtare të Kadastrës është emëruar një tjetër grua, Lorena Goxhabelli.
Ndërkohë, Kreshnik Bajraktari do jetë drejtori i ri i portit të Durrësit. Ai zëvendëson në këtë detyrë ish-drejtorin Pirro Vengu. Drejtori i ri i portit deri më tani ka mbajtur detyrën e këshilltarit pranë ministrisë së Energjisë dhe Infrastrukturës. Ai ka mbaruar studimet e larta në universitetin Politeknik të Tiranës dhe është me origjinë nga Kukësi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
