Exit-Pollet për zgjedhjet në Kosovë: Kryeson Vetëvendosja me 38%, PDK forcë e dytë

19:19 - 09 Shkurt 2025

Nga Gazeta ‘Si’- Mediat në Kosovë, në bashkëpunim me disa kompani private kanë nisur të nxjerrin EXIT POLL-et e tyre për rezultatin e zgjedhjeve parlamentare.

Exit-polli i Klan Kosovës e ka nxjerrë Vetëvendosjen të parën, me 38%, por me rënie të madhe të votave nga zgjedhjet e 2021.

E dyta parashikohet të jetë PDK-ja me 22.4. LDK e treta me 20.1. AAK me 7.6, si e katërta me radhë.

Edhe sipas RTV Dukagjinit, në bashkëpunim me UBO, Lëvizja Vetëvendosje ka fituar 40.3 %. PDK 21.4, %, LDK 19.3 %, AAK 7.2%.

Valon Feka nga UBO-Consulting ka thënë se mostra është e madhe me rreth 15 mijë anketa, me margjinë të gabimit më pak se 1%.

Ai tha se këto rezultate janë vetëm nga votuesit rezidentë, dhe se në këtë EXIT-POLL nuk janë përfshirë votat e diasporës.

Të dhënat zyrtare të rezultatit të zgjedhjeve jepen vetëm nga Komisioni Qendror i Zgjedhjeve.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.