.png)
Lojtarët e kombëtares kroate barazuan 2:2 me Shqipërinë në turin e dytë të Grupit B të Euro 2024.
Pas 90 minutave emocionuese, nga një pikë për secilin, shqiptarët ishin më të mirë në pjesën e parë, kroatët në të dytën. Pas ndeshjes, trajneri Zlatko Daliç ka folur për mediat kroate.
“Nuk ishte e lehtë, një ndeshje e vështirë, dy pjesë të ndryshme. Ne vërtet dhamë gjithçka për të kaluar në avantazh dhe për të marrë atë gol të vështirë. Është e rëndësishme që jemi në lojë, gjithçka është në duart tona. Pjesa e dytë ishte inkurajuese. Ne ishim shumë keq në pjesën e parë. Le të tentojmë fitoren me Italinë, fitorja na çon më tej”, tha ai në fillim dhe më pas shpjegoi ndryshimet në formacion.
“Ne donim të kishim më shumë përparime në krahë. Ne kthenim anën ngadalë në pjesën e parë, kjo ishte ideja jonë. Me Petkoviç në epërsi, ne donim të kishim më shumë kontroll dhe që Bruno të kontrollonte topin”.
“Pjesa e parë ishte e ngadaltë dhe me shumë pasime. Kishim shumë probleme në pjesën e mbrojtjes. Pjesa e dytë ishte më e mirë”, tha ai.
“Tifozët tanë ishin të mrekullueshëm, na mbajtën. Është e vështirë kur pëson gol në minutën e fundit, por kur shikon të dyja pjesët, përfton një panoramë më realiste. Ne do të përgatitemi për Italinë dhe do të bëjmë gjithçka për të kaluar”, u shpreh tekniku i Kroacisë Zlatko Daliç. /Dnevnik
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
