Shitjet me pakicë në përgjithësi nuk janë ndikuar fort nga kriza e shkaktuar nga pandemia, por ajo ka goditur tregtinë me pakicë të hidrokarbureve.
Të dhënat më të fundit të INSTAT tregojnë se në tremujorin e tretë 2020, indeksi i volumit të shitjeve në tregtinë me pakicë shënoi 125,3. Shitjet në volum në tregtinë me pakicë janë rritur 0,7 %, krahasuar me të njëjtën periudhë të vitit 2019. Krahasuar me tremujorin paraardhës, ky tregues i përshtatur sezonalisht është rritur 12,0 %.
Në tregtinë me pakicë, pa përfshirë këtu tregtinë me pakicë të hidrokarbureve, volumi i shitjeve në tremujorin e tretë 2020 është rritur me 3,0 %, kundrejt tremujorit të tretë të vitit 2019.
Por volumi i shitjeve të hidrokarbureve ka pësuar rënie me 4,8 %, krahasuar me të njëjtin tremujor të vitit 2019.
Në tremujorin e tretë 2020, volumi i shitjeve, përshtatur sezonalisht, në grupin “Tregti me pakicë, pa përfshirë këtu tregtinë me pakicë të hidrokarbureve në njësi tregtare të specializuara”, është rritur me 9,9 %, krahasuar me tremujorin paraardhës. Në grupin “Ushqime, pije, duhan në njësi tregtare jo të specializuara dhe të specializuara”, volumi i shitjeve, përshtatur sezonalisht, është ulur me 0,2 %, krahasuar me tremujorin paraardhës. Volumi i shitjeve, përshtatur sezonalisht, në tregtinë me pakicë, për grupin “Artikuj jo-ushqimore në njësi tregtare të specializuara dhe jo të specializuara”, është rritur me 15,9 %, kundrejt tremujorit të mëparshëm. Në grupin “Tregti me pakicë hidrokarbure në njësi tregtare të specializuara”, volumi i shitjeve, përshtatur sezonalisht, është rritur 21,1 %, kundrejt tremujorit të dytë 2020.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
