Koronavirusi vazhdon të marrë jetë njerëzish në çdo vend të botës. Ermir Zulbeari, ish-futbollisti i Gradecit në Gostivar të Maqedonisë së Veriut është ndarë nga jeta ditën e djeshme për shkak të një pneumonie të mbartur më parë, që është rënduar më shumë pas infektimit me koronavirus.
36-vjeçari ishte i shtruar në reanimacion prej dy javësh, në gjendje shumë të rëndë shëndetësore, ku vuante edhe nga probleme kardiake. Pavarësisht trajtimit të bërë nga stafi mjekësor, ai nuk ka mundur të mbijetojë.
Zulbeari ishte një njeri aktiv në futboll, ku më parë ka luajtur për disa vite me KF Gradecin, skuadër të cilën më vonë e ka drejtuar në rolin e trajnerit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
