.png)
Atletico Madrid do të përplasë brirët me Barcelona-n në ½ finale e kthimit të “Copa del Rey” në “Metropolitano”. Skuadrat vijnë pas barazimit spektakolar me 8 gola, muajin e kaluar dhe shpresojnë që janë gjendje të vendosen në Finale përballë Real Madrid që eleminoi në kohën shtesë Real Sociedad. “Banda” e Diego Simeone-s vjen pas një forme të kompromentuar që filloi me humbjet 2-1 në transfertë ndaj Real Madrid dhe Getafe, respektivisht në Champions League dhe La Liga. “Colchoneros” fituan ndeshjen e kthimit 1-0 por u eleminuan nga “Los Blancos” pas 11 metërshave.
Në vazhdim u mundën 4-2 në shtëpi nga Barcelona dhe barazuan 1-1 ndaj Espanyol në Katalonjë. “Copa del Rey” përfaqëson mundësinë më të mirë që Atletico të fitojë një trofe këtë sezon. Për të fundit herë e bëri këtë gjë në sezonin 2012-13. Nga ana tjetër, “blaugrana-t” vijnë pas 20 ndeshjeve pa humbje në të gjitha kompeticionet dhe për të fundit herë u mundën 2-1 në shtëpi, Dhjetorin e kaluar nga Atletico Madrid. Aktualisht kryesojnë La Liga-n, do të kthehen në ¼ finalet e Champions League dhe janë një ndeshje larg Finales së “Copa del Rey”, të cilën e fituan për të fundit herë në sezonin 2020-21.
Nën drejtimin e Flick, Barcelona u bë skuadra e parë që shënon 139 gola në 45 ndeshje në La Liga, çka i jep besim për ndeshjen e kthimit në “Metropolitano”. Gjigandi katalanas ka fituar 3 transfertat e fundit ndaj Atletico-s prej humbjes 2-0 në Tetorin e vitit 2021. Gjithashtu janë kualifikuar në 8 nga 9 gjysëmfinalet fundit në “Copa del Rey”. Formacionet e mundshme për sfidwn e kthimit janë si vijon:
Atletico Madrid: Musso; Llorente, Gimenez, Lenglet, Reinildo; Simeone, Barrios, De Paul, Lino; Alvarez, Griezmann.
Barcelona: Szczesny; Kounde, Cubarsi, Martinez, Balde; De Jong, Pedri; Yamal, Gavi, Raphinha; Lewandowski.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
