.png)
Nga Gazeta Si – Barcelona pret Atletico-n si dy skuadrat në formën më të mirë, duke kërkuar të forcojnë pretendimet për titull dhe të përfitojnë nga luhatjet e fundit të Real Madrid.
Barcelona dhe Atletico Madrid synojnë të japin një sinjal të fortë për objektivat e tyre në përballjen e “Camp Nou-t” sot në mbrëmje.
Barça është në krye të “La Liga-s” me 1 pikë avantazh ndaj Real Madrid në vendin e dytë, pasi në fundjavë mposhti Alaves për fitoren e 4 rradhazi në kampionat.
Atletico, që gjendet në vendin e 4 dhe fitoi 2-0 ndaj Real Oviedo-s, është 3 pikë prapa Barcelonës.
Që nga humbja 4-0 kundër Arsenal-it në Tetor, Atletico ka fituar 7 ndeshje rradhazi në të gjitha kompeticionet.
Pas barazimit të tretë rradhazi të Real Madrid në La Liga (1-1 vs. Giron), Barcelona dhe Atletico shpresojnë të përfitojnë nga gabimet e rivalëve.
Atletico është bërë skuadra e parë në historinë e “La Liga-s” që kalon në avantazh në 14 ndeshjet e para të sezonit; megjithatë, trajneri Simeone tha se për të – më të rëndësishëm janë trofetë sesa rekordet.
Përballjet direkte
– Dy klubet kanë zhvilluar 246 ndeshje. Barcelona ka 112 fitore kundrejt 77 të Atletico-s, ndërsa 57 ndeshje kanë përfunduar në barazim.
– Barcelona ka dominuar përballjet e fundit në “La Liga”, dhe vendasit duan fitoren e 7 në 8 ndeshjet e fundit në kampionat.
– Atletico fitoi 2-1 në “Camp Nou” në Dhjetor 2024, me golat e Rodrigo De Paul dhe Sorloth.
Formacionet e mundshme:
– Barcelona: Joan Garcia; Kounde, Eric Garcia, Cubarsi, Balde; de Jong, Pedri; Yamal, Olmo, Raphinha; Lewandowski
– Atletico: Oblak; Molina, Gimenez, Hancko, Ruggeri; Cardoso; Simeone, Barrios, Koke, Baena; Alvarez
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
