.png)
Çmimi i naftës ra me rreth 5% të enjten duke prekur nivelin më të ulët në katër muaj, i diktuar nga rënia e kërkesës në shkallë globalë dhe prodhimi rekord në Shtetet e Bashkuara të Amerikës.
Kontratat e së ardhmes së Brent u ulën me 3.76 dollarë ose 4.6 për qind duke arritur në 77.4 dollarë për fuçi. Nafta e papërpunuar West Texas Intermediate (WTI) ra 3,76 dollarë ose 4.9%, në 72.9 dollarë. Të dy Brent dhe WTI u tregtuan më parë në nivelin më të ulët që nga 7 korriku, përkatësisht me 76.6 dollarë dhe 72.16 dollarë.
Rënia e naftës këtë javë u shkaktua kryesisht nga një rritje e madhe e rezervave në SHBA dhe prodhimi në nivele rekord, çka sipas analistëve shkaktoi shqetësime për kërkesën e dobët në konsumatorin më të madh të naftës në botë.
JPMorgan tha të premten se gjurmuesi i kërkesës globale për naftë tregoi se kërkesa ishte mesatarisht 101.6 milionë fuçi në ditë (bpd) në gjysmën e parë të nëntorit, 200,000 fuçi në ditë më e ulët se parashikimi i saj për muajin.
Analistët thanë se rënia e fundit e çmimeve ka të ngjarë të bëjë gjithashtu Arabinë Saudite të zgjasë uljen e saj të prodhimit të naftës prej 1 milion fuçi në ditë edhe në vitin 2024./Reuters
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
