Gazeta Si – Analiza e cirkuitit të Le Castellet, që në fundjavë do të presë garën e 12-të të Botërorit 2022. Çmimi i Madh i Francës zhvillohet në një cirkuit të ngarkesës së mesme dhe impenjimi ‘light’ për sistemin e frenave, sipas të dhënave të marra nga Brembo.
Fundjavën e 24 korrikut zhvillohet Çmimi i Madh i Francës në Formula 1, në pistën historike Paul Ricard. Me 5.842 metra gjatësi, kjo pistë është e 5-ta në kampionat për nga gjatësia, pas Spa, Jedah, Silverston dhe Baku.
Kemi të bëjmë me një cirkuit shumë teknik, të karikimit mesatar aerodinamik. Ka kthesa shumë të shpejta, siç është ajo e Signes (kthesa 10), me 330 kilometra në orë. Ka gjithashtu edhe kthesa shumë të ngadalta, si kthesa 15, ku makinat e ulin shpejtësinë poshtë 90 kilometrave në orë.
Në cirkuitin francez zhvillohen 53 xhiro. Ai klasifikohet si ‘Light’ për impenjimin e sistemit të frenimit, ku 17% e kohës së një xhiroje shpenzohet për frenim.
As they charged to a double podium at Circuit Paul Ricard last year, Sergio Perez let loose a flying Max Verstappen 💨#FrenchGP #F1 pic.twitter.com/Sn7kFw6wLA
— Formula 1 (@F1) July 19, 2022
Kthesa 1, e para pas nisjes, fillon me një shpejtësi 316 km/h dhe prej saj dilet me 177 km/h. Kthesa 3, që vjen më pas, regjistron një shpejtësi 287 km/h në fillim dhe në fund 186 km/h. Hapësira për frenimin është 81 metra.
Kthesa numër 8 është edhe më impenjativja për pilotët dhe makinat. Sepse kalohet nga një shpejtësi 319 km/h e fillimit në 135 km/h në fund, me një kohë 2″12 për frenimin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
