.png)
Indeksi i Kushtimit për Ndërtim gjatë tre muajve të parë të vitit 2021 pësoi rritje me 0.6%, krahasuar me të njëjtën periudhë të vitit 2020.
Rritja më e madhe u vu re në ndarjen “kosto të tjera” (0.9%), pra në shërbime jo elementare të sektorit të ndërtimit.
Shpenzimet mbi makineritë u rritën me 0.8% dhe për pagat me 0.5%.
Shpenzimet për materiale u rritën me 0.3%, por brenda këtij grupi u rritën shpejt dhe shumë çmimet e materialeve elektrike dhe komunikimi, me 1.5%.
Indeksi i Kushtimit për Ndërtim mat ecurinë e çmimeve të materialeve të ndërtimit, të cilat në raporte mujore nuk kanë pasur lëvizje të ndjeshme, por kanë mbajtur një tendencë rënëse.
Në Europë, tregjet e lëndëve të para të ndërtimit kanë pasur rritje të shpejtë dhe të ndjeshme, duke pritur që do të rriten akoma më shumë. Në Shqipëri nuk ka ndodhur një ndryshim i tillë, ndonëse nga të dhënat e terrenit për “SI”, shumë materiale si bakër apo tulla janë rritur 30-60%.
Nga ana tjetër, vlera e blerjes apo qiramamarrjes së një hapësire të ndërtuar në Shqipëri është gjithmonë në rritje, duke kaluar edhe fuqinë paguese të konsumatorëve shqiptarë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
