Çmimet e naftës ranë përsëri të martën pasi shqetësimet e recesionit dhe përkeqësimi i shpërthimeve të Covid-19 në importuesin kryesor të naftës, Kinë, rritën frikën për ulje të kërkesës.
Nafta e papërpunuar Brent ra me 1%, në 96.99 dollarë për fuçi , ndërsa nafta e papërpunuar e Teksasit Perëndimor (WTI) ra me 1,3%, në 90.63 dollarë.
Të dy standardet arritën më të lartat që nga gushti të hënën, mes raporteve se udhëheqësit në Kinë po peshonin një dalje nga kufizimet e rrepta të vendit për Covid-19.
Pjesëmarrësit e tregut do të shikojnë gjithashtu të dhënat e inflacionit në SHBA, të premten, duke pasur parasysh inflacionin e lartë dhe rritjen e normave të interesit që nxjerrin në pah mundësinë e një recesioni ekonomik global. Rezervat e naftës së papërpunuar në SHBA pritej të ishin rritur me rreth 1.1 milionë fuçi javën e kaluar.
“Në anën tjetër të inflacionit të fortë dhe rritjes së normave të interesit në vendet e mëdha perëndimore, kontratat e së ardhmes së naftës janë ende duke u vlerësuar në mundësinë e një recesioni ekonomik global,” tha Tina Teng, analiste.
“Kjo, së bashku me një ngadalësim të kërkesës për karburant në Kinë, janë arsyet për rënien e çmimeve të së ardhmes së naftës në muajt e fundit.”
Në anën e ofertës, sinjalet për rritje janë ende të paqarta.
Ndalimi i Bashkimit Europian ndaj naftës ruse, i vendosur si hakmarrje për pushtimin e Ukrainës, do të nisë më 5 dhjetor dhe do të pasohet nga një ndalim i importeve të naftës në shkurt. Moska vazhdon t’i quajë veprimet e saj në Ukrainë “një operacion special”./Reuters
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
