Më në fund, ka ardhur edhe lajmi i mirë për basketbollin shqiptar: do të rifillojë aktiviteti kombëtar pas gati një viti izolim për shkak të pandemisë. Ministria e Shëndetësisë i është përgjigjur pozitivisht këtë herë kërkesës së Federatës Shqiptare të Basketbollit për zhvillimin e ndeshjeve në salla të mbyllura, me një shkresë të firmosur nga zëvendësministrja Mira Rrakacolli.
Basketbolli ynë e ka ndalur aktivitetin në mars të vitit të kaluar dhe vazhdimisht nga drejtuesit e tij është kërkuar që rifillojnë aktivitetet, siç ka ndodhur me futbollin, por deri tani qeveria kishte refuzuar, duke e argumentuar qëndrimin me faktin se sallat e mbyllura paraqesin rrezik.
Lajmi i rifillimit të aktivitetit është postuar në faqen zyrtare të FSHB-së dhe nga presidenti i saj, Avni Ponari. Merr fund kështu izolimi për basketbollin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
