Cilat janë simptomat kryesore të variantit Omicron?

Hundët e bllokuara, dhimbja e kokës dhe lodhja duket se janë shenjat dalluese të Omicron, sipas një studimi të madh që tregon se virusi mutant është më i ngjashëm me një të ftohtë sesa me Covid-19.
Një analizë e rasteve në Mbretërinë e Bashkuar , ku Omicron po rritet më shpejt, raportoi se shenjat më të zakonshme të virusit midis 3 dhe 10 dhjetorit ishin rrufë, dhimbje koke, lodhje, teshtitje dhe dhimbje fyti.

Asnjë nga këto nuk janë shenjat klasike të virusit për të cilat njerëzit paralajmërohen të kenë kujdes, një kollë e re e vazhdueshme, temperaturë e lartë ose ndryshim/humbje e shijes dhe nuhatjes.
Epidemiologu Tim Spector, shkencëtari kryesor i Studimit të Ndjekjes së Simptomave ZOE, u ka kërkuar njerëzve të jenë të vëmendshëm nga këto shenja treguese të Omicron në prag të Krishtlindjes dhe përpara se të takojnë miqtë dhe të afërmit.
“Shpresojmë që njerëzit tani të jenë vigjilentë ndaj simptomave të ngjashme me të ftohtin, të cilat duket se janë tipari mbizotërues i Omicron,” tha ai.

Simptomat e Omicron janë kryesisht simptoma të ftohjes, rrjedhje hundësh, dhimbje koke, dhimbje të fytit dhe teshtitje, kështu që njerëzit duhet të qëndrojnë në shtëpi pasi mund të jetë Covid.
“Përpara Krishtlindjeve, nëse njerëzit duan të mblidhen së bashku, do të rekomandoja kufizimin e kontakteve shoqërore në prag të Krishtlindjes dhe të bëni teste të shpejta pak përpara mbledhjeve familjare”,shtoi emidemiologu.
Paralajmërimi vjen së bashku me raporte të shumta se Omicron shkakton sëmundje më të lehta se variantet e kaluara, por shkencëtarët ende po përpiqen të zgjidhin nëse është në thelb më i dobët ose nëse popullata ka nivele më të larta imuniteti, apo edhe të dyja.
Udhëzimet e Organizatës Botërore të Shëndetësisë aktualisht njihen vetëm tre simptoma si shenja të hershme paralajmëruese të një infeksioni me virusin, një kollë të vazhdueshme, një temperaturë të lartë dhe një humbje ose ndryshim në shqisat e shijes ose nuhatjes.
Por ekspertët kanë kërkuar vazhdimisht që kjo listë të zgjerohet, duke thënë se ajo i mungon rastet në fazat e hershme duke rritur rrezikun e transmetimit të virusit.
Spector tha se simptomat ‘klasike’ të Covid-19 si ethe, kollë ose humbja e nuhatjes, tani janë të pranishme në pak raste.
Burimi:DailyMail/Përshtati:Gazeta “Si”

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.