.png)
Gazeta Si – Bombardimet izraelite kanë synuar të paktën tre vende të programit të kërkimit bërthamor të Iranit, të cilat ushtria iraniane mund t’i përdorë për të prodhuar armë bërthamore sipas Agjencisë Ndërkombëtare të Energjisë Atomike.
Qëndrimi zyrtar i Iranit është se këto janë qendra për kërkime bërthamore paqësore.
Ndër vendet e goditura është Natanz, ku mijëra centrifuga pasurojnë uraniumin dhe e shndërrojnë atë në karburant bërthamor që potencialisht mund të përdoret për të bërë bomba bërthamore. Ende nuk i dimë pasojat e bombardimit.
Një tjetër vend i bombarduar është Arak, ku iranianët kanë ndërtuar një reaktor bërthamor eksperimental.
Vendi i tretë është Isfahan, ku ndodhet një qendër kërkimore bërthamore.
Përveç Natanz, iranianët kanë ndërtuar një tjetër qendër pasurimi të uraniumit në Fordow, por ajo është gërmuar në shpatin e një mali dhe është e mbrojtur nga një shtresë e trashë shkëmbi, kështu që konsiderohet shumë e vështirë për t’u shkatërruar me bombardime konvencionale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
